|
SubscriptionsSites I Read
|
|
|
|
| 繼尋日之後, 今日再和G去左呢間食, 係因為以前有食過, 不過係晚餐, 而今次係午餐。
我地十二點廿八-九分入坐, d侍應問我地食唔食煙, of course not啦, 佢地叫我地隨便坐... 咁邊邊先係非吸煙區呢下?! 最後都係自己搵左個位黎坐...
一坐底, 侍應好快就拎左堆menu黎, 唔夠一分鐘, 有個女侍應走黎話要收番一個優惠餐既menu, 之後隱約聽到話「落埋啦」, 我諗係佢地經理講啦...
ok, 咁我地照落order啦... 叫左萄汁焗雞排飯 同 日式照燒雞大碗飯 (唔exactly 記得個名了) .. 一講完佢就話要一點鐘埋單... 下... 不是嘛... 而家都 12:34 了....
好啦, 唔落都落左... 照食啦... 但係d食物分別係 12:40 同 12:45上... 只好努力咁食啦....
一點鐘佢真係夠膽死叫我埋單.... 當時我仲有半碗大碗飯未食... 杯野一啖都未飲... 但單照樣埋左...
味道真係比之前晚餐咁好, 我碗大碗飯仲係一半就比番左佢... d 汁好怪, 好"膠" ... 即係好多"豆"粉... 照燒d汁唔會係咁樣樣囉... 平左兩蚊比d咁野人食都夠膽...
個萄汁焗飯唔係我食， comment只係「唔好食」
--
難得今日食完飯都咁好天, 一同G食完飯就獨個兒去游水, 去到美孚仲係2點前, 還是快快入去, 一完我既日光浴夢 XD
是日游左 2次直池 + 26次橫池... 好無聊... 連呢d都數埋
三點半左右開始好多鴨仔要學游水, d水亦由好清變到好濁.... 游到四點一... 好倦.... 走走走~
| | |
| 這天的確風和日麗, 沒想到好天就是這麼容易的到來...
一如所願... 可以去坪洲+愉景灣一日遊... yeah
十一點鐘去到6號碼頭... 比原定的十點四十五分遲了... 可是... 我不是最遲 XD
原本想係碼頭門口間小食店買點早餐, 因為之前一路都好想試下佢d腸粉... 可是既沒有腸粉, 亦沒有燒賣, 也沒有牛肉... 可肚的確有點餓, 還是要買點什麼吃的... 買左兩串魚蛋同一串齋老味... 加了點棘味... 味道還可以啦... 只是其實魚蛋都唔似好熟囉... ok啦... 一人一d, 係咁易醫住肚先啦....
去到坪洲... 一個字... 「細」
去到先食lunch (又食 =.=) ... 去左一間什麼冰室... 沒有套餐, 只可以散叫.. 我叫左午餐肉湯意, 最平之選, 不過味道比G 叫的豬排上海面, 還好吧... 因為坐正門口既關係, d人時常出出入入... d人又冇手尾唔關門... 最後我真係忍唔住要搬一搬位... 「這才是一個位吧」... 但是... 搬左之後, 居然少左好多人出出入入... 算吧算吧...
吃罷去過洗手間, 問左陣路 (坪洲是沒有免費地圖的, 太小了吧), 多謝坪洲警崗的好人叔叔...
警崗叔叔的提意:
1) 坪洲冇咩地方好行喎
2) 上去手指山啦, 果度係坪洲最高的地方喇, 可以望晒坪洲既環境
雖然同原定計劃冇乜分別, 但總覺得警崗叔叔所言什是...
他說以我腳程, 大約15分鐘可上到山頂... 果然世外高人, 居然我行路速度都比佢計算埋... 不得不讚一句「佩服」
「好多路都可以上到手指山喎, ... 行到掘尾籠轉右啦 .... 你就十五分鐘就上到去架喇... 」 「唔該晒!!」
雖然冇計時, 但都好快就上到山頂... 一路上沒什麼難度可言... 只是有點熱... 幸好上到山頂會有個涼亭, 實在好正, 好涼... 但逗留既人亦多... 實是人間正亭 ! 真係好涼, 涼到差d唔記得講係呢度仲可以望到迪士尼添 .. haha
回程路上, 我地撞到有兩頭狗... 還是安全至上... 行回頭路比較穩陣...
-----
還有25分鐘才有船到dBay, 呢個時候, 最啱係留係坪洲綜合大樓, 一來可以睇到有冇船泊岸, 二來可以有得坐下, 仲要有冷氣添... 爽!
去dBay 隻船好快就到了, 全程5蚊... 仲以為佢真係會經一經神樂院添... 點知唔會喎...
dBay 既商場... ok啦... 豆腐潤咁細... 個沙灘... ok啦... 人工到咩咁...
17:10 回程, 再到天星碼頭乘船過尖咀 ... 一試一壽司之美味... 其實味道只是ok... 可能唔太肚餓啦... 不過食過咩都冇乜印象了... 150蚊埋單, 有人請呢d就記得囉 XDDDD 多謝晒 >3<
其實回中環隻船上可以仲近d睇到迪士尼, 不過... 硬係覺得好假咁... 冇乜好睇... | | |
| 本 華 說 的 ： 「 須 用 普 通 的 字 眼 ， 道 盡 不 凡 之 洞 見 ， 唯 時 人
剛 相 反 」 （ Men should use common words to say uncommon things, but they
do the opposite ）
取自「文字的哀愁」陶傑 蘋果日報副刊 - 生活名采 | | |
| 霍 金 提 出 接 近 了 無 神 論
的 思 想 ： 「 在 梵 蒂 岡 一 次 宇 宙 會 議 上 ， 若 望 保 祿 二 世 告 訴 代 表 們 ， 在 宇 宙 起 始 之 後
， 研 究 它 是 可 以 的 。 但 是 他 們 不 應 該 探 究 起 始 的 本 身 ， 因 為 這 是 創 生 的 時 刻 ， 這 是
上 帝 的 事 體 。 我 暗 自 慶 幸 ， 他 沒 有 意 識 到 我 在 會 議 上 發 表 了 一 篇 論 文 ， 剛 好 提 出 宇
宙 如 何 起 始 。 我 可 不 想 好 像 伽 利 略 那 樣 被 遞 交 給 宗 教 裁 判 廳 。 」
取自蘋果日報 20060616
| | |
|
